Matius 8:18-22

Songon halak kristen na memang benar benar na lahir sian bortian ni halak kristen, boi do hita didokkon tu istilah nuaeng halak kristen Murni. Jala lasniroha doi dihita halak batak i dominan do i halak si ihutton Jesus. Tarida doi sian budaya ni halak Batak tarlumobi ma i Halak Batak toba, molo sai marulaon manag aha pe i sai diharikhot hon dope inghon sai dohot dicampuri huria. Jala ido na naeng si idaonta di turpuk on. Bohado molo halak mamang bangso na si ihuthon jesus hita ?

Bindu 18 ► Asa dung di ida Jesus torop ni halak na manghaliangi Ibana, didok ma taripar tu bariba an.

Naeng ida onta sian turpuk on, ima harohaon ni Jesus na tung mansai Uli, na laho manogu nogu angka halak naolo mangihuthon Ibana. Naeng si ida onta sian turpuk on ima respon yang begitu mulia dari Tuhan. Sai di parrohahon Jusus do angka halak kristen na olo mangihuthon ibana. Songon halak kristen hita inghon songon songon na binahen ni Jesus do ulaonta ima angka nadenggan tu angka donganta jolma. Boi do buantononta turpuk on tu panogu noguon na tung ringhot tu angka nahumaliang hita, suang songo ni ma di pargoluanta na marsaor dohot angka dongan ta jolma. Marsaor tu humaliang ta didalan ni Tuhan Jesus ido tandana na halak kristen naung siihuthon ni Jesus hita.

Bindu 19 ► Jadi ro ma sada sibotosurat mandok tu Ibana :' Ale Guru, sai naeng ihuthononku do Ho, manang tudia pe Ho lao.'

Adong do nanaeng siihut hononta sian pandohan na dibindu na tarsurat on. Halak kristen na tutu mangalehon rohana dohot ngoluna tu Tuhan Jesus, layak do mandok pandohan on, jala ido dengganna sahalak Umat Kristen hita. Sai ihuthononta do angka na boi paluahon hita sian dosa. Songo ni do tong di parngoluan on. Molo adong sahalak sian hita na boi mangalehon motifasi manang bantuan na asing na tungmansai porlu dihita patut do ihuthononta noni, alai tong do ingkon pinkkirhononta asa unang gabe dosa noni na hita ulahon i di joloni Debata. Alai adongdo balikna sian parhataan na dinginjang i na sai tarida di hajolmaon sisonari on. Godang do halak na berpura pura si ihuthon Kristus alai adong mai holan alasan penyelamatan, asa tongam di ida dongan, ala ni gengsi ( inamasa ba ima na niula ) dohot angka na asing dope. Jala tung sai tarido do sipat sisongonon dingolutta. Menna sai gabe pandelean ujung ni halak na sai olo mangihuthon Jesus holan alani tujuan sesaat ( Kepentingan penilaian manusia ). Pandohan ni siboto surat na diturpuk on, bai do i sai hera sipalessem, alana boi do ida on ta, dang pola sai dohonon ni pamangan molo adong niat na denggan naeng si patarida on ta, tung pambahenan do naumporlu si pataridahononta songon halak kristen si ihuthon Jesus hita di tonga tonga ni portibi on.

Bindu 20 ► Dungi didok Jesus mandok ibana : ' Na marliang do angka antuasu, na marasar do angka pidong na martongatonga langit; alai anggo di anak ni Jolma i ndang adong hapeahanni ulu na.

Di bindu pa 20 hon on tung mansai tangkas do pandohan ni Jesus tentang harohaon ni manisia tarlumobi ma i dihita halak kristen na mangihuthon Jesus. Kasar do anggo pandohan di turpuk on, alai na boi ida onta doi di parngoluonta si ganup ari na sai moleng oleng do anggo haporseaonta. Mangihuthon Jesus memang sada karejo natung mansai borat situtu do on ulahonon ni jolma, alai memang tung mansai sudedo manghaholongi jolma na olo mangihuthon Jesus alani burjuni hajolma on na. Siala ni sai tung godang do hita angka namangihuthon Jesus holan na pura pura manag songon na paias diritta. Tung bangkol do hita laho paposhon haporseaon na tutu sian roha dohot parngoluonta mangihuthon Jesus ( Karena sifat kebanyakan manusia hanya mementingkan diri sendiri ) Jala tung godang do halak kristen na so mananda dirina ise do na naeng si ihut honon na. Ido alana tung didok Jesus pandohan i. Hadirion ni halak kristen laho mangihuthon Jesus dao dope sian pargoluon ni halak kristen i, alana sai tung mansai godang dope angka na ringkot di ngoluna nata pena i adong do i ringkot holan alani gengsi marnida dongan na jolma. Jala tung mansai godang do anggo sidalian dingolunta molo manghatai soal mangihuthon Jesus. Jala tung mansai banghol do hita laho mandok si ihuthon Jesus hita di tinghi hasusaan di ngolunta. 

Bindu 21 ► Jadi adong ma sian sahalak sisean na mandok tu Ibana : Ale Tuhan ua, loas ahu jolo mananom damang !

Hata mangido i do na sai jot jot hita bege dingolutta di portibion, tarlumobi ma i tu Tuhan Debata. Sai ringhot do dihita holan na mangido tu Debata alai dang hea sai hita parhaseang di ngolutta. Pandohan songon turpuk na di bindu 21 on, onma na didokna ndang adong posni roha. Posni roha ni hita halak kristen tu Tuhan Jesus godang dopena i sai hera na marnida keadaan, molo tung apala ringhot ba boi ma ni ihuthon alai molo tung adong dopena naumringhot dipikkiranta sian manghaporseai Jesus ba bao ma tong parpudi haporseaon ta. Unsur ni hata na boi sibereng onta sian hata ni sisean i tu Tuhan Jesus ima sada unsur sifat na sai mangharinghot hon hajolmaon sian mangharinghothon haporseaon tu Tuhan i, hape dang hita sadari di sada sisi, ai sian Debata do sudena na adong di ngolutta on, jala umboto an do Debata angka naringhot di ngolutta siganup ari sian hita sandiri. Hal sisongon on do na so dapot dipingkiranta, Jala ringhot ni hita jolma hape di Debata alani naung ni tompaNA jala ido na naeng porlu tong timbal balikna gahenonta tu Debata inghon hita ringhothon mangihuthon Ibana.

Bindu 22 ►Alai ninna Jesus ma mandok Ibana : ' Ahu ma ihuthon ! angka na mate i ma pasombu mananom na mate'.

Pandohan ni Jesus di bindu na 22 on, ima songon pandohan na pasti mangalehon sada baga baga na tung apala urringhot sian sudena angka na naung adong dihita. Hata na pinasahat ni Tuhan Jesus mangalusi hata ni sisean na I, boi do i berengonta gabe sada peringatan tu hita angka na laho mangihuthon Jesus. Molo ni pingkiran nian tung apala ngeri doi pandohan i tu hajolma on ta. Alai adong do sada patohan di hita, ai Debata do mamboto saluhut na angka na ringhot di hita, alani do umbahen pandohan naung ni dok ni Tuhan Jesus tu sisean na i songon na tegas. Naeng idaonta di bindu on ima sada sipikkiran dihita halak kristen bahwa siihuthon Kristus dang boi hita marsidalian.

Kesimpulan

Holong ni roha ni Debata tu hita jolma tarida do i sian sudena naung ni hatahon ni angka panurirang na parjolo dohot angka berbagai bukti. Ringhot ni hita angka jolma naung mardosa di joloni Debata ido na naeng gabe sada patokan di hita laho mangihuthon Ibana. Boi do i hita tailihon tu parngoluonta siganup ari, molo tung adong sahalak dongan na tung mansai burju tu hita pasti do ihuthononta pandohan manang pikkiranna, jala boi do sai hita haringhothon donganta i sian angka naringhot di hita ( hita pajolo ). Songon halak kristen hita na naung ni paluani Jesus sian dosa, ondo sada kunci bahenonta di dirinta laho mangihuthon Ibana, asa unang sai godang sidalianta. Molo di haringhothon Debata do hita, naeng nian hitape inghon ullobi sian i, jala inghot halak kristen na benar benar mangihuthon Debata ma hita.

Terimakasih atas kunjungannya,Bila anda suka dengan artikel ini silahkan JOIN TO MEMBER BLOG atau berlangganan geratis Artikel dari blog ini, daftarkan email anda pada form subscribe dibawah halaman . Pergunakan vasilitas diblog ini untuk mempermudah anda. Bila ada masalah dalam penulisan artikel ini silahkan kontak saya melalui kotak komentar yang ada dibawah atau gunakan fasilitas yang ada diblog ini untuk menghubungi saya.

Salam Blogger.... !!! .

Admin Rivai Silaban

share artikel ini melalui : Facebook Twitter Google+

Di posting oleh : Unknown , Update pada : 16.09 | ► 3 komentar